(Видео) Шефицата на Европската комисија остана без стол на средбата со Ердоган

Шефицата на Европската комисија, Урсула фон дер Лајен, не доби столче на кое може да седи за време на разговорот со претседателот на Турција, Реџеп Таип Ердоган, пишува „Вашингтон пост“.

Видеото, кое беше објавено на интернет, покажува дека шефицата на Европската комисија нема каде да седи во салата каде што се одржувал состанокот, затоа што се поставени само два стола, од кои на едниот седнал претседателот на Европскиот совет, Шарл Мишел.

And no, it wasn’t a coincidence it was deliberate.? Why was @eucopresident silent? https://t.co/LvObcyGpmL pic.twitter.com/dLUxuUr5B9

— Sophie in ‘t Veld (@SophieintVeld) April 6, 2021

На крајот, Фон дер Лајен се сместила на диван, наспроти министерот за надворешни работи на Турција, Мевлут Чавушоглу, што според дипломатскиот протокол значи понизок ранг.

Инаку, тоа место, за време на такви состаноци, им припаѓа на преведувачите и на другите учесници на состанокот. Членката на Европскиот парламент Софи ин ‘т Велд смета дека тоа не било случајно.

 

„Тоа беше намерно … Зошто @eucopresident не стори ништо?“, напиша таа на „Твитер“.