Во тек е украински воздушен напад врз Русија

Украински и руски извори на социјалните мрежи попладнево известуваат за обемен напад со украински проектили и дронови врз руска територија.

Според воените блогери од двете земји, во рускиот воздушен простор навлегле голем број дронови од различни типови и големини, како и повеќе далекуметни проектили, меѓу кои британските Storm Shadow и украинските Neptun и Flamingo.

На социјалните мрежи се појави и фотографија од украинскиот дрон „Пакao“, снимен над Брјанската област во Русија. Овој тип дрон има дострел до 700 километри, лета со брзина од околу 0,55 Мах и носи боева глава од 50 килограми.

Украинскиот канал Dronbomber на Телеграм објави карта што прикажува насока на движење на дроновите и проектилите од Украина кон Русија. На неа, црвените стрелки ги означуваат борбените дронови, сините дронови на млазен погон, а зелените крстосувачките ракети, дел од кои се насочени кон московската област.

Текстот Во тек е украински воздушен напад врз Русија е превземен од МАКФАКС.