Во Унгарија пристигнаа 100.000 дози вакцина „спутник В“

100.000 дози на руската вакцина против коронавирус, „спутник В“, пристигнаа во Унгарија, изјави унгарскиот министер за надворешни работи, Питер Сијарто.

Вакцината е однесена во Националниот центар за јавно здравје доцна синоќа, изјави Сијарто на „Фејсбук“, истакнувајќи дека владата ја одобри нивната дистрибуција, пренесе МТИ.

„Брзината е неопходна … како што напредува вакцинацијата, ќе се спасат 100-150 животи за еден ден“, рече Сијарто.

Според него, вакцинацијата ќе спречи зараза на околу 2.000 лица, како и загуба на унгарската економија од 10  до 15 милијарди форинти (27,8 – 41,8 милиони евра).

„Работиме да обезбедиме сите одобрени вакцини да пристигнат во Унгарија што е можно побрзо“, рече Сијарто.