Грушко: Русија ги презема сите потребни мерки за својата безбедност

Во контекст на акциите на НАТО во Балтичкото Море, Русија ги презема сите потребни мерки за да ја обезбеди својата безбедност, изјави денес заменик-министерот за надворешни работи на Руската Федерација, Александар Грушко.

„Би сакал уште еднаш да нагласам дека овој регион е претворен во зона на акутно воено соперништво, а тоа е многу опасна работа. Добро е познато дека ги преземаме сите потребни мерки за да ја обезбедиме нашата безбедност и одбрана“, рече тој во емисијата на ТВ „Россија-24“, пренесува ТАСС.

Според него, се реорганизирале два воени окрузи, потпишан е и стапил во сила договор за безбедносни гаранции за Русија и Белорусија, кој предвидува распоредување на нуклеарно оружје на територијата на Белорусија, а се зајакнуваат и капацитетите на воената флота и рускиот крајбрежен одбранбен систем.

„Значи, ќе бидеме целосно вооружени и нема да дозволиме НАТО да проектира сила од балтичкиот регион, од северниот правец“, заклучи тој, според Танјуг.

Текстот Грушко: Русија ги презема сите потребни мерки за својата безбедност е превземен од МАКФАКС.