Еден од најбогатите региони одби да се отцепи од Канада

Жителите на канадската провинција Алберта, богата со нафта, го отфрлија планот – изнесен на референдум – за започнување правна постапка за отцепување од Канада. Ова го покажуваат проекциите на главните канадски медиуми, за што извести новинската агенција АФП.

Со тоа, мнозинството граѓани гласаа за останување во рамките на канадската федерација, со што практично ја запреа иницијативата на сепаратистичките кругови кои бараа одржување обврзувачки референдум за независност. Иако гласачкото ливче содржеше десет прашања – кои опфаќаа теми како имиграцијата и овластувањата на провинцијата – десеттото прашање беше клучно: гласачите требаше да одлучат дали Алберта треба да остане канадска провинција или да започне уставен и правен процес кон целосно отцепување.

Канадскиот премиер Марк Карни, кој пораснал во Алберта, помина неколку дена обиколувајќи ја провинцијата и повикувајќи ги своите сограѓани да го отфрлат сепаратизмот.

Canada is the greatest country on earth.

A country where you are free to be who you want to be. To speak your mind. To worship as you choose. To live your life as you wish.

That is independence. That is sovereignty. https://t.co/yjzTQUNKc1

— Mark Carney (@MarkJCarney) October 16, 2026

Тој предупреди дека победата на опцијата за отцепување би претставувала „опасен блеф“ што би предизвикал долгогодишна економска неизвесност. Карни нагласи дека зачувувањето на канадското единство е од клучно значење во време кога земјата се соочува со притисок преку царини од страна на Соединетите Држави под водство на Доналд Трамп, како и со отворени закани за трговска војна.

Текстот Еден од најбогатите региони одби да се отцепи од Канада е превземен од МАКФАКС.