ЕУ би можела да го промени начинот на финансирање на Украина: Германија сака да го отстрани правото на вето

ЕУ би можела да го промени начинот на финансирање на Украина: Германија сака да го отстрани правото на вето

пред 35 минути

Германија се залага трајните механизми за финансирање на помошта за Украина да бидат вклучени во следниот долгорочен буџет на Европската Унија, така што оваа поддршка нема да зависи од правото на вето, изјави денес висок европски функционер запознаен со преговорите.

Функционерот изјави за „Политико“ дека таков механизам за финансирање би им оневозможил на потенцијалните противници на помошта за Украина, како што е француската десничарска политичарка Марин Ле Пен, да ја блокираат помошта ако таа победи на претседателските избори во Франција следната година.

Според официјалните лица, планот на Берлин е Европската Унија да обезбеди „простор“, односно финансиска флексибилност за собирање дополнителни пари за Украина, покрај 100-те милијарди евра што веќе ги предложи Европската комисија.

„Финансирањето на Украина е поспорно од кога било досега“, рече висок европски функционер, додавајќи дека ова би станало „уште поспорно“ ако Марин Ле Пен, кандидатката на крајно десничарскиот Национален собир, победи на претседателските избори во Франција во април.

Иако усвојувањето на следниот долгорочен буџет на ЕУ, како и планот за финансиска флексибилност на кој Германија сака да се придружи, би барало едногласна поддршка од земјите-членки, идните одлуки за собирање пари за Украина во рамките на тој механизам би барале само квалификувано мнозинство, доколку Берлин ја постигне својата цел. Ова би отежнало за која било поединечна влада да ја блокира финансиската поддршка на ЕУ за Украина.

„Во денешниот геополитички свет, ова (потребата за едногласност) нема смисла“, рече дипломатот, според Танјуг.

Текстот ЕУ би можела да го промени начинот на финансирање на Украина: Германија сака да го отстрани правото на вето е превземен од МАКФАКС.

Share
Scroll to Top