Жена спасена во поплавите во Валенсија откако три дена била заробена под мртво тело

Осумдесети и седумгодишна жена е спасена откако три дена била заробена со телото на нејзината мртва снаа по поплавите во Валенсија. Таа била заробена во нејзиниот дом во Масанаса во близина на Валенсија.

Друга жена беше најдена жива во автомобил во блискиот Бенетусер, откако спасувачите ги слушнале нејзините повици за помош.

Денеска на волонтерите им беше наредено да се држат настрана од речиси десетина градови во близина на Валенсија, кои беа најмногу погодени од поплави, откако беше објавено ново временско предупредување за областа.

Спасувачките тимови трагаат по повеќе жртви заробени во преплавените гаражи и автомобили во Валенсија за време на невремето, кое доведе до повеќе од 200 смртни случаи, а 2.000 се водат како исчезнати.

Текстот Жена спасена во поплавите во Валенсија откако три дена била заробена под мртво тело е превземен од МАКФАКС.