Иран: Ќе ги таргетираме израелските и американските електрани

Иранската револуционерна гарда денеска соопшти дека ќе возврати на напад врз нејзиниот енергетски сектор со таргетирање на израелските електрани и оние што снабдуваат електрична енергија со американските бази во регионот. Во соопштението објавено од државните медиуми, Гардата, исто така, се чини дека ги повлече претходните закани против постројките за десалинизација, кои се клучни за снабдувањето со вода за пиење во Заливот.

„Лажливиот… американскиот претседател тврдеше дека Револуционерната гарда има намера да нападне постројки за десалинизација на вода и со тоа да создаде тешкотии за луѓето од регионот“, се вели во соопштението. „Решени сме да одговориме на секоја закана со истото одвраќање… Ако ја погодите електричната енергија, ние ја погодуваме електричната енергија“, се заклучува во пораката на Револуционерната гарда.

Соопштението дојде како одговор на предупредувањето од американскиот претседател Доналд Трамп, кој во саботата се закани дека иранските електрани ќе бидат цел ако Техеран „целосно не го отвори“ Ормускиот теснец за целиот поморски сообраќај во рок од 48 часа.

Текстот Иран: Ќе ги таргетираме израелските и американските електрани е превземен од МАКФАКС.