Кинез ги прекршил мерките за изолација, поради него 5.000 луѓе одат во карантин

Ковид-пациент од Пекинг, е под кривична истрага откако избегнал задолжителната куќна изолација, поради што 5.000 негови соседи морале да бидат ставени во карантин.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Официјалните лица соопштија дека на човекот во раните 40-ти му било наложено да се изолира дома, откако на 23 мај влегол во трговски центар, каде постоел ризик од инфекција, објави „Гардијан“.

Тие изјавија дека за време на периодот на изолација, тој излегол многу пати, шетал низ заедницата, ризикувајќи ширење на епидемијата, пред неговата сопруга и тој да бидат позитивни пет дена подоцна.

Како одговор, властите наредиле 258 луѓе кои живеат во неговата зграда да одат во владиниот центар за карантин, а уште 5.000 луѓе кои живеат во неговата населба сега мора да останат дома.

Инаку во Пекинг се отворени библиотеки, музеи, кина и спортски сали, со ограничен број луѓе, во области каде што седум дена по ред не се пријавени случаи на ковид.

Шангај планира конечно да го укине двомесечното затворање, но според „Ројтерс“, сè уште постои конфузија околу тоа како ќе изгледа ваквото укинување.

На компаниите им било кажано дека можат да продолжат со работа, но на повеќето жители и натаму не им е кажано дека можат да ги напуштат населбите.

Најголемиот дел од јавниот сообраќај и натаму е во прекин, а приватните возила не смеат да се движат по улиците без посебна дозвола.