Кремљ: Конечен договор за Украина е невозможен без учество на претставници на Киев

Русија високо ги цени медијаторските напори на Соединетите Американски Држави насочени кон решавање на војната во Украина, изјави денес портпаролот на Кремљ, Дмитриј Песков, и додаде дека Москва не гледа можност за завршување на војната без учество на „некој претставник на Киев“ кој е подготвен да „преземе одговорност“.

„Во врска со договорот, знаете дека американската страна продолжува со своите медијаторски и мировни напори и ние многу ги цениме. Но, секако, конечен договор без учество на некој од Киев кој е подготвен да преземе одговорност е невозможен“, рече Песков, пренесува „Интерфакс“.

Претходно, американскиот претседател Доналд Трамп оцени дека украинскиот претседател Володимир Зеленски не е заинтересиран за фактот дека украинските напади врз руските рафинерии сериозно го оштетуваат светскиот пазар на дизел гориво, вклучително и американскиот пазар, додавајќи дека Зеленски „воопшто не сака војната да заврши“.

Одделно, Зеленски го обвини Трамп дека се обидува да изврши притисок врз Украина да се предаде на Русија.

Тој оцени дека Вашингтон неодамна извршил низа „непријателски потези“ кон Киев, вклучително и намерно забавување на интернетот преку системот „Старлинк“, како и одложување на испораката на ракети за системот „Патриот“.

Украинскиот претседател, исто така, оцени дека Трамп има многу добри односи со Путин, пренесува Танјуг.

Текстот Кремљ: Конечен договор за Украина е невозможен без учество на претставници на Киев е превземен од МАКФАКС.