Курц: „Спутник В“ пристигнува во Австрија

Австриската влада се согласи да купи милион дози од руската вакцина „спутник В“, објави канцеларот Себастијан Курц.

Сепак, тешко дека вакцината ќе се користи сè додека не биде одобрена од Европската агенција за лекови. Министерот за здравство Волфганг Мукштајн го истакна тоа во понеделникот по неговата инаугурација по оставката на претходниот министер. Кабинетот на министри исто така нагласува дека набавката е планирана со одобрение од ЕМА.

Мукстејн „спутник В“ го нарече „добра вакцина“. Одобрувањето на ЕМА како предуслов му е важно, нагласи тој.

Chancellor @sebastiankurz of #Austria announced that parties of coalition government agreed to purchase 1 million doses of Sputnik V.

?https://t.co/zaCrWYCJdg

— Sputnik V (@sputnikvaccine) April 19, 2021

Благодарение на побрзата испорака на вакцините на „Фајзер“, Австрија се надева дека сите нејзини граѓани би можеле да бидат вакцинирани до летото.

Кабинетот на министерот истакна дека руската вакцина е веќе одобрена во повеќе од 50 земји и дека се надеваат на брзо одобрување од ЕМА.

„Секоја дополнителна вакцина помага да се спасат животи, да се обезбедат работни места и побрзо да се вратат во нормала“, рекоа од кабинетот на министерот.

Како алтернатива на одобрувањето од ЕМА, последниве недели се разгледуваше и националното одобрување за итни случаи, како што се спроведува во Унгарија.