Макрон до Техеран: Веднаш запрете ги нападите и обезбедете пловидба низ Ормутскиот теснец

Францускиот претседател Емануел Макрон објави дека разговарал со иранскиот претседател Масуд Пезешкијан за безбедносната ситуација на Блискиот Исток.

Во објава на „Икс“, Макрон наведе дека побарал гаранции за безбедноста и враќањето во Франција на француските државјани Сесил Колер и Жак Париз.

Je me suis entretenu avec le président iranien Massoud Pezechkian.

Je lui ai indiqué que la sécurité et le retour en France de Cécile Kohler et Jacques Paris, qui se trouvent actuellement dans l’enceinte de l’ambassade de France, restent pour nous une priorité absolue.…

— Emmanuel Macron (@EmmanuelMacron) March 8, 2026

Тој исто така побарал Иран веднаш да ги запре нападите врз земјите во регионот и да ја гарантира слободата на пловидба со прекин на, како што наведе, фактичкото затворање на Ормутскиот теснец.

Макрон додаде дека Франција останува сериозно загрижена поради развојот на иранската нуклеарна и балистичка програма, како и поради, како што рече, дестабилизирачките активности на Иран во регионот.

Тој порача дека дипломатско решение е неопходно за да се спречи натамошна ескалација и да се зачува мирот. Макрон и Пезешкијан се договориле да останат во контакт.

Фото: Depositphotos

Текстот Макрон до Техеран: Веднаш запрете ги нападите и обезбедете пловидба низ Ормутскиот теснец е превземен од МАКФАКС.