Милановиќ: Ова што го прави Зеленски води кон пораз, Русија е неуништлива

Претседателот на Хрватска, Зоран Милановиќ, изјави дека Русија е неуништлива, а дека тоа што го говори претседателот на Украина, Володимир Зеленски, води кон пораз.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Тоа ќе биде борба до последниот Украинец“, рече Милановиќ, додавајќи дека така би било доколку Украина и натаму ја наговараат да продолжи да се бори.

Милановиќ рече и дека не му е јасна изјавата на францускиот претседател, Емануел Макрон, дека Путин не смее да се понижува и додаде дека не знае како тоа може да се случи, пренесе „Срна“.

„Не знам кој ќе го постигне тој пораз. Украинската младина додека сите не изгинат? Тоа е една компликувана ситуација, за жал еднонасочна. Она што го говори Зеленски води кон пораз, руската чизма таму каде што ќе дојде, не заминува. Тоа е моќна воена сила. Можеме да се насладуваме поради нивната бавност, но за жал така е, како е“, изјави Милановиќ.

Според хрватскиот претседател, Русите како непријатели се непобедливи.

„Ништо добро не се случува таму. Русија не е како нас, тие не се демократија, тие се неуништливи. Како непријател се неуништливи. Така мора да зборуваме. Пленковиќ научи три реченици и ги изговара, а потоа го гледа неговиот Макрон како зборува поинаку. Нека го критикува сега“, рече тој.

„Украина ми е трипати подрага, но таму умираат луѓе. И ќе продолжат да умираат ако Украина се наговара да се бори вака, до последниот Украинец“, рече Милановиќ.