Папата Лав: „Светот е опустошен од неколку тирани“

Денес, папата Лав ги критикуваше светските лидери кои трошат милијарди евра за војни и рече дека светот е „опустошен од неколку тирани“ кои се преправаат дека не знаат дека е потребен само еден момент за да се уништи нешто, а повеќе од еден животен век не е доволен за да се обнови, објавува Ројтерс.

Папата ги критикуваше лидерите кои користат религиозен речник за да ги оправдаат војните, повикувајќи на итна промена во однесувањето додека им се обраќаше на верниците во најголемиот град во англофонскиот регион на Камерун, каде што тлеечкиот конфликт што трае речиси една деценија одзеде илјадници животи.

„Господарите на војната се преправаат дека не знаат дека е потребен само еден момент за да се уништи нешто, а понекогаш дури ни еден животен век не е доволен за да се обнови. Тие ги свртуваат очите од фактот дека милијарди долари се трошат за убивање и уништување, додека никогаш нема пари за здравство, образование и реконструкција“, предупреди папата.

Папата ги критикуваше нападите на САД и Израел врз Иран, објави британската агенција.

Надбискупот од Кантербери, Сара Мулали, рече дека ги поддржува напорите на Папата во неговиот смел повик за „царство на мирот“.

„Тешко на оние кои манипулираат со религијата и Божјото име за сопствена воена, економска и политичка добивка, влечејќи го она што е свето во темнина и нечистотија. Тоа е свет превртен наопаку, експлоатација на Божјото создание што секоја искрена совест мора да го осуди и отфрли“, рече папата.

Папата даде слична проценка минатиот месец, кога рече дека Бог ги отфрла молитвите на водачите чии „раце се крвави“, таргетирајќи го американскиот министер за одбрана Пит Хегсет, кој користеше библиски апели за да ја оправда војната во Иран.

Текстот Папата Лав: „Светот е опустошен од неколку тирани“ е превземен од МАКФАКС.