пред 4 години Интеграцијата на Западен Балкан ќе биде во фокусот на агендата за време на претседателството на Словенија со Советот на ЕУ, рече словенечкиот претседател Борут Пахор за време на состанокот со црногорскиот министер за одбрана Оливер Инјац, додавајќи дека Црна Гора може да смета на политичката и експертска помош на Словенија, известуваат медиумите во регионот.
Како што е наведено, Пахор оценил дека традиционално добрососедските односи меѓу двете земји се засноваат на интензивен политички дијалог, заеднички вредности и значајна соработка во бројни области.
„Тој исто така го посочи очекувањето преговорите на Црна Гора со ЕУ да продолжат со побрзо темпо и Црна Гора да стане првата следна членка на Унијата. Во тој контекст, тој истакна дека интеграцијата на Западен Балкан ќе биде во фокусот на агендата за време на нивното претседателствување, додавајќи дека можеме да сметаме на политичката и експертска помош на Словенија “, се вели во соопштението од црногорските власти.
Истовремено биле поздравени планираните приоритетни цели на Република Словенија за време на претстојното претседателство со Советот на Европската Унија, кое ќе започне во јуни 2021 година.
Би можело да ве интересира
Најголемата болница во Газа остана без гориво, бебе почина во инкубатор
Германски новинар: Западен Балкан-буре барут во вечната чекална на Европа
Српски виролог: Ковид – пропусниците треба да важат 24 часа, а не само по 22 часот
Израел: Мажи на возраст од 16 до 30 години добиле воспаление на срцевиот мускул по вакцината на „Фајзер“
Италија сака да купи руска вакцина, Берлускони вели дека „спутник В“ е одличен
Аргентина е прва латиноамериканска земја која ја одобри руската вакцина
