Поранешна британска министерка пронајдена мртва

Британската полиција соопшти дека ја истражува смртта на поранешната конзервативна министерка Ан Видекомб како убиство.

Видекомб (78), поранешна членка на Европскиот парламент и една од најистакнатите активистки за Брегзит, која стекна популарност преку појавувања во забавни телевизиски емисии, беше пронајдена мртва вчера во својот дом во Девон. Полицијата соопшти дека пронашла знаци на „сериозни повреди“ на телото.

Главната инспекторка Илона Росон изјави дека се верува дека осомничениот е бел маж и додаде дека полицијата „ги распоредува сите потребни ресурси за да утврди точно што се случило и да го пронајде сторителот“. Таа ги повика сите што имаат информации да контактираат со полицијата.

Голем број политичари ѝ оддадоа почит на Видекомб во текот на денот. Нејзината политичка кариера траеше децении. Во текот на 1990-тите, таа имаше неколку помлади министерски позиции во владата на тогашниот британски премиер Џон Мејџор.

Таа беше силен застапник за излез на Обединетото Кралство од Европската Унија, а од 2019 до 2020 година беше членка на Брегзит партијата во Европскиот парламент, каде што го претставуваше југозападниот дел од Англија.

Во 2023 година, таа се приклучи на партијата Реформа на Велика Британија на Најџел Фараж, откако Брегзит партијата го смени своето име, и имаше неколку јавни настапи како портпарол на партијата за имиграција и правда.

Портпаролот на британскиот премиер Кир Стармер рече дека премиерот жали за веста за смртта на Ен Видекомб. „Таа беше истакната личност во британската политика многу години и ние ѝ оддаваме почит за убедувањето и посветеноста со кои ѝ служеше на својата земја“, рече тој.

 

фото/ЕПА

Текстот Поранешна британска министерка пронајдена мртва е превземен од МАКФАКС.