Руте: Очекувам членките на НАТО да се согласат за трошоците за одбраната од пет проценти во Хаг

Генералниот секретар на НАТО, Марк Руте, денес изјави дека претпоставува оти членовите на алијансата ќе се согласат со високата цел, пет проценти од бруто домашниот производ (БДП) за трошење за одбраната за време на самитот во Хаг следниот месец.

„Претпоставувам дека во Хаг ќе се согласиме за високата цел за трошоци за одбрана од пет проценти“, рече Руте на состанокот на Парламентарното собрание на НАТО во Дејтон, објави Ројтерс.

Тој рече дека трошоците за одбрана што ќе се очекуваат од членките на НАТО ќе бидат „значително над три проценти“.

„Да речеме дека е пет проценти, нема да кажам каков е поединечниот опсег, но ќе биде значително над три проценти кога станува збор за цврсто утврдените расходи“, рече Руте, пренесува Танјуг.

Текстот Руте: Очекувам членките на НАТО да се согласат за трошоците за одбраната од пет проценти во Хаг е превземен од МАКФАКС.