Синот на последниот шах на Иран: Нејасните пораки на ЕУ за Иран можат да имаат последици

Синот на последниот шах на Иран, Мохамед Реза Пахлави, кој живее во егзил во Соединетите Американски Држави, Реза Пахлави, денес оцени дека по американско-израелските напади на крајот на февруари, Европската Унија испратила нејасни пораки за Иран, кои би можеле да се претворат во соучество.

Во интервју за „Еурактив“, во пресрет на состаноците во Берлин со членовите на Комитетот за надворешни работи на Бундестагот, Пахлави ја критикуваше, како што изјави, неодлучноста на Европската Унија да заземе појасен став кон Техеран.

Тој рече дека неутралноста има последици и дека во одредени историски моменти претпазливоста престанува да биде разумност и станува соучество.

Пахлави ги обвини европските влади дека се под притисок од Техеран преку политики и закани за земање заложници, велејќи дека европските влади станале заложници на сопствените заложници.

Тој ја повика ЕУ да се откаже од својата политика на смирување, да размисли за протерување на иранските амбасадори и да не признава политички договори што би ја зачувале моќта на Корпусот на исламската револуционерна гарда (ИРГЦ).

Текстот Синот на последниот шах на Иран: Нејасните пораки на ЕУ за Иран можат да имаат последици е превземен од МАКФАКС.