Словенија воведува ограничувања за гориво

Воведувањето на привремено ограничување на горивото, кое стапи на сила на полноќ од сабота до недела, предизвика гужви на бензинските пумпи низ цела Словенија.

Целта на оваа итна мерка е да се намалат проблемите во снабдувањето со нафтени производи, но првиот ден од спроведувањето беше обележан со редици и доцнења на клучните локации, објавува „Анадолу“.

Според усвоените мерки, дозволено е максимум 50 литри гориво дневно да се дистрибуира на бензинска пумпа од физичко лице и 200 литри од правно лице и физичко лице кое врши дејност, вклучително и земјоделство. Ограничувањата ќе бидат на сила до понатамошно известување.

Војската е вклучена во дистрибуцијата
Словенечката војска е исто така вклучена во дистрибуцијата на гориво, чии членови ќе помагаат во транспортот и снабдувањето. Властите ги повикаа дистрибутерите да ги координираат испораките од магацините до бензинските пумпи со цел да се забрза испораката и да се зголеми ефикасноста на снабдувањето.

Трговците на мало со гориво се должни да доставуваат редовни извештаи до владата за состојбата на бензинските пумпи, врз основа на кои властите ќе одлучуваат за какви било дополнителни мерки.

Голоб разгледува ограничувања за странски државјани
Премиерот Роберт Голоб објави дека се разгледуваат мерки што конкретно би ја ограничиле продажбата на гориво на странски државјани и препорача трговците на мало да подготват соодветни чекори во таа насока.

Текстот Словенија воведува ограничувања за гориво е превземен од МАКФАКС.