Трамп: Се бориме против Иран за да ги заштитиме Израел и Западот

Американскиот претседател Доналд Трамп изјави дека САД се соочуваат со Иран за да ги заштитат Израел, Блискиот Исток и западните земји од потенцијални напади.

„Го правиме ова за да му помогнеме на Блискиот Исток. Го правиме ова за да му помогнеме на Израел. Го правиме ова за да си помогнеме себеси, бидејќи ако не бевме ние, откако ќе го уништат Израел, што би биле многу среќни да го сторат, а потоа и Блискиот Исток, ќе ја нападнат Европа и некои од нашите градови“, рече Трамп.

Трамп: Израел не треба да се грижи
Тој нагласи дека САД „постигнуваат многу добар напредок“ во конфликтот со Иран. Трамп претходно ја увери израелската јавност за најновата ескалација на конфликтот со Техеран.

„Израел не треба да се грижи. Знаете зошто? Бидејќи јас сум претседател и ќе се грижам за Израел“, изјави тој за израелската телевизиска станица КАН.

Текстот Трамп: Се бориме против Иран за да ги заштитиме Израел и Западот е превземен од МАКФАКС.