Кога го прашувате Google како да ги исклучи AI резимеата за Chrome – првиот резултат не ви дава решение, туку ве упатува кон Google Labs каде што не можете да го решите проблемот.


Сепак, можно е да ги исклучите резимеата на вештачката интелигенција при пребарување на Google, што е корисно ако сметате дека се одвлекуваат вниманието, се нејасни или не сте сигурни за нивната точност.

За да ја заобиколите оваа функција (AI Overviews) при пребарување на десктоп и да користите само традиционални веб резултати, треба да поставите нова стандардна кратенка за пребарување.

Процесот започнува со кликнување на трите точки во горниот десен агол на прелистувачот Chrome. Оттаму, одете во Поставки, потоа изберете Прелистувач и на крај Управување со прелистувачи и пребарување, објавува Engadget.

Во делот Пребарување на страницата, ќе најдете копче Додај на кое треба да кликнете. Ова ќе отвори прозорец каде што можете да ги внесете деталите за вашата нова кратенка.

За Име, внесете „Google/Web“, а во полето Кратенка, внесете „https://www.google.com/“.

Најважниот дел е URL-то, каде што треба да внесете {google:baseURL}search?udm=14&q=%s. Откако ќе пополните сè, кликнете Додај.

Последниот чекор е да ја поставите оваа нова кратенка како стандардна. Можете да го направите ова со кликнување на трите точки до кратенката што штотуку ја креиравте и избирање на опцијата Постави како стандардна.

На овој начин, сите идни пребарувања што ги правите со користење на Google Chrome автоматски ќе ги заобиколат прегледите на вештачката интелигенција и ќе прикажуваат резултати само од веб-страници.