Сега проблем се машините кои произведуваат чипови …

Недостигот на чипови, кој ја погоди автомобилската индустрија, а со тоа и илјадници клиенти чии рокови за испорака на возила се продолжуваат, го тресе пазарот. Претпоставките се дека оваа криза ќе исчезне до крајот на годината, но се чини дека можеби и не, односно дека оптимистичките предвидувања се сè уште – преоптимистички! ASML е најголемиот производител на литографски машини, кои се важен дел од производството на чипови, или индустриска состојба без која тоа е невозможно. Тие се користат за производство на интегрирани кола на силиконски плочи. Побарувачката и нарачките се зголемени, а ASML неодамна потврди дека се бори со нарачките што ги добива.

Питер Венинк, извршен директор на ASML, вели дека компанијата треба да произведе повеќе такви машини, но зголемувањето на капацитетот преку ноќ едноставно не е можно. Грубата проценка покажува дека производството на литографски машини мора да се зголеми за повеќе од 50 проценти.

Неговата прогноза не е воопшто добра вест: недостигот на чипови би можел да продолжи до крајот на 2024 година. Процесот на зголемување на производството на литографски машини е многу покомплексен отколку што звучи. По добивањето на потребните дозволи, изградбата и поставувањето фабрика, компанијата треба да ангажира персонал, да донесе опрема за производство, а потоа да чека уште 12 месеци пред да започне со производство.

Производителите на автомобили нема да бидат задоволни од ваквите вести…