И покрај неизвесната иднина во Европа, OnePlus работи со полна пареа во Азија.


Технолошката компанија со седиште во Кина неодамна објави дека ќе лансира два нови телефони во Индија на 7 мај – Nord CE6 и Nord CE6 Lite.

OnePlus не кажа кога телефоните ќе бидат достапни на други пазари, ниту колку ќе чинат, што е штета бидејќи двата Nord телефони се продолжение на неодамнешната серија телефони на брендот со батерии со голем капацитет.

Додека минатогодишниот водечки OnePlus 15 има батерија од 7.300 mAh, Nord CE6 има огромна батерија од 8.000 mAh, за која, според огласот на телефонот, треба да трае 2,5 дена со едно полнење, објави CNet.

Иако не споделува детали за тоа колку брзо се полни, се забележува дека Nord CE6 има ревирзибилно полнење од 27 вати за донирање енергија на други уреди. Nord CE6 Lite, веројатно поевтина верзија, има батерија од 7.000 mAh.

Nord CE6 и CE6 Lite, кои се видливи на листата на Amazon во Индија, сè уште немаат цена, но имаат датум на лансирање, 7 мај.

OnePlus Nord CE6 е напојуван од чипсетот Snapdragon 7s Gen 4 и има 1,5K AMOLED дисплеј со брзина на освежување од 144Hz што достигнува до 1.800 нити максимална светлина.

Поевтиниот Nord CE6 Lite го има чипсетот MediaTek Dimensity 7400 Apex, а неговиот дисплеј има и брзина на освежување од 144Hz. Nord CE6 ќе биде достапен во три бои, додека Nord CE6 Lite ќе има две опции.

Најавите доаѓаат во услови на неизвесност околу статусот на OnePlus на неазиските пазари, а дури има и гласини дека OnePlus би можел да ги затвори своите операции во Велика Британија и континентална Европа.