Digital Foundry објави информации за спецификациите на најновата конзола на Nintendo.


Официјалната страница, која Nintendo ја креираше за својата конзола Switch 2, не нуди премногу технички спецификации и информации за хардверот на уредот.

Сепак, Digital Foundry одлучи да открие повеќе детали и објави писмен извештај, како и видео во кое се детално опишани карактеристиките на конзолата Switch 2 што беа во можност да ги потврдат.

Значи, дознавме дека Switch 2 користи 8x ARM Cortex A78C CPU архитектура, со оперативни тактови на CPU од 998MHz (docked), 1101MHz (mobile) и Max 1,7GHz.

Конзолата ја користи Ampere GPU архитектурата, со 1536 CUDA јадра. Оперативните тактови на GPU се 1007 MHz (docked), 561 MHz (mobile) и Max 1,4 GHz.

Меморијата е 128-битна LPDDR5, нудејќи брзини од 102GB/s (docked) и 68GB/s (mobile). Вкупниот капацитет на меморијата е 12GB, од кои 3GB се резервирани за системот, а 9GB се достапни за игри.