Ubisoft објави дека Assassin’s Creed Shadows постави нов рекорд.


Assassin’s Creed Shadows полека се претвора во гејмерски наслов кој на Ubisoft очајно му требаше.

Тимот на Assassin’s Creed објави на социјалните мрежи дека играта, која беше објавена неодамна веќе привлече повеќе од два милиони играчи.

Assassin’s Creed Shadows првично требаше да биде лансиран есента минатата година, но играта беше одложена двапати за дополнително да се полира и да се обезбеди сè да работи без проблеми уште од првиот ден.

Според Ubisoft, Assassin’s Creed Shadows веќе го надмина она што AC Origins и Odyssey го постигнаа во истиот период.

Во соопштението, тимот им се заблагодари на гејмерите, истакнувајќи дека Assassin’s Creed Shadows е достапен на платформите PS5, Xbox Series X/S, Ubisoft+, Amazon Luna, Mac и PC и се очекува да пристигне на iPad.