Во светот во последниве години, возачите беа повикани да побрзаат со преминот кон електрични автомобили, но транзицијата генерира многу сомнежи и процесот се одвива со бавно темпо.


Едно од главните прашања е дали сме на енергетско ниво подготвени да се снабдуваме со електрична енергија? Блумберг направи анализа за да одговори на тоа прашање.

Според податоците, во моментов има околу 27 милиони plug-in, хибридни и целосно електрични автомобили во светот.

Нивната годишна потрошувачка на енергија е околу 60 tWh, додека глобалната побарувачка за електрична енергија е 28.000 tWh, што е само 0,2 отсто, пишува Јутарњи.хр.

Логично е таа бројка да е мала бидејќи во светот има големи региони без електрификација, па се фокусираа и на земји како Норвешка, каде што 20 отсто од возниот парк во земјата е веќе електричен. Колкав процент од побарувачката на енергија има? 1,4 отсто, што е повисока бројка, но не многу висока.

Блумберг очекува прилично брза еволуција на секторот во следните две децении и разгледува две главни можности, едната во која усвојувањето е попрогресивно во која до 2040 година електричните ќе сочинуваат 75 отсто од автомобилите, и другата побрза во која ЕВ речиси целосно ќе го покрива пазарот до почетокот на 2030.

Во првото сценарио до 2040 година би имало 730 милиони електрични автомобили, што би значело зголемување на побарувачката за енергија за 7 отсто. Во вториот бројката би се искачила на една милијарда, а побарувачката до 9 отсто. Меѓутоа, бидејќи сите возила не се автомобили, со додавање на камиони, автобуси, мотоцикли итн., процентите би биле (во двата случаи) помеѓу 11 и 15 проценти.