Кина планира во 2024 година да лансира ровер на Месечината, којшто ќе носи опрема од Франција, Шведска, Русија и Италија, пренесе кинеската новинска агенција Xinhua.

Сè уште не е познато каква намена имаат инструментите развиени од научници од Франција, Шведска, Италија и Русија.

Се планира Chang’e 6 да се спушти во близина на јужниот пол на Месечината и да собере примероци пред враќањето на Земјата.

Chang’e е дел од кинескиот проект за истражување на вселената во кој исто така е планирано да се спушти ровер на Марс.

Постојат и планови за орбитална станица со екипаж, испраќање човек на Месечината и земање примероци од астероид.

Во минатиот декември во претходна мисија на Месечината, Chang’e 5 на Земјата врати примероци од Месечината, што се случи за прв пат од 1970 година.

Извор: B92.net