Apple е повторно на удар, а корисниците на iPhone го преплавија Твитер со поплаки за најновото ажурирање на iOS 16.4.1(a) во последните денови.


Според корисниците, споменатата надградба ја уништува батеријата на телефонот и ја намалува способноста на уредот да одржува „здраво“ полнење на батеријата.

Еден корисник објави на социјалните мрежи дека батеријата на iPhone деградирала за 22 отсто за само 46 минути, додека друг истакнал дека изгубил 30 отсто од батеријата за половина час.

Некои корисници одат дотаму што размислуваат целосно да го отфрлат својот iPhone, а многумина се жалат на проблеми со прегревање на уредот.

iOS 16.4.1(a), познат и како Rapid Security Response апдејт, ненадејно беше објавен од Apple минатата недела за да се поправат некои безбедносни проблеми.

Овој тип на „мини“ софтверски надградби се планирани за да се премости јазот помеѓу главните ажурирања што се планирани за уредите iPhone, iPad и Mac.

Иако Apple сè уште официјално не коментирал за проблемите што корисниците ги пријавуваат, се забележува дека некои од проблемите со кои се соочуваат луѓето може да се нормални за овие типови на ажурирања на софтверот.

Промените, кои со себе носат ажурирања кои се поинтензивни и трошат повеќе енергија, може да бараат часови или дури денови за надградба, посочува ZDNET.

„Не само што е зголемена потрошувачката, туку рекалибрирањето на батеријата може да остави впечаток дека батеријата се троши побрзо, иако тоа не е случај во реалноста“, се посочува.

Постои решение

Ако проблемите продолжат неколку недели по спроведувањето на ажурирањето на iPhone, неопходно е да се провери максималниот капацитет на батеријата.

За да го проверите ова, треба да отидете во менито Settings, потоа скролувајте до табот Battery и допрете на неа.

Ако батеријата треба да се замени, ќе се појави порака „важна за батеријата“, што покажува дека состојбата на батеријата значително се влошила.

Исто така, на својата веб-страница, Apple обезбедува листа на совети за корисниците како да го максимизираат траењето на батеријата. Ова вклучува избегнување изложување на уредот на високи температури, отстранување на одредени маски при полнење и слично.