Корејската хит серија Squid Game доби огромна гледаност на Netflix и практично е единствената серија за која овие денови се зборува на интернет.

Сега се размислува и да се направи видеоигра според таа приказна.

Оваа серија, која продуцентска куќа во Јужна Кореја 10 години одбиваше да ја сними, е на пат да стане најгледана досега на платформата Netflix, кога би надминала 76 милиони гледачи на серијата The Witcher.

Покрај ова, Netflix укажа и на можноста за правење видеоигра Squid Game, бидејќи, како што веќе знаете, оваа продукциска куќа полека се шири и во овој сектор, со план за правење игри врз основа на насловите кои ги поседува.

Шефот на одделението Netflix Asia објави дека во моментов се разгледува идејата за видеоигра Squid Game, но не се споделени дополнителни детали за можностите за нејзина изработка. Секако, игрите Battle Royale од овој формат, како оние што се гледаат во Squid Game, се доста актуелни во моментов, па затоа популарноста би била загарантирана доколку Netflix одлучи да го направи тоа.