Иако фотографиите сè уште ќе се прикажуваат на Инстаграм, платформата се повеќе се движи во насока на ТикТок, односно видеа и препораки за содржина од луѓе кои не се на списокот со контакти.


Инстаграм воведува нови промени во својата социјална мрежа, но не сите се воодушевени од тие промени. Стариот Инстаграм, на кој акцентот е ставен на фотографиите и објавите на луѓето и профилите кои корисниците ги следат на интернет, полека запаѓа во историјата и се заменува со нова верзија во која главниот фокус е на видеата.

Поради овие промени, мрежата наиде на тешки критики, а меѓу другите ја критикуваа и две ТВ ѕвезди – Ким Кардашијан и Кајли Џенер. Преку стории тие испратија порака до главните луѓе на компанијата барајќи од нив повторно да направат Инстаграм, Инстаграм, а многу други незадоволни корисници изјавија дека не сакаат нивната омилена мрежа да се претвори во ТикТок.

По се поголемиот број критики, се огласи и првиот човек на Инстаграм, Адам Мозери, кој посочи дека живееме во свет кој брзо се менува и дека и тие мора да се прилагодат на тие промени. Тој нагласи дека ќе продолжат да поддржуваат фотографии кои се „дел од нивното наследство“, но на крајот треба да стане мрежа каде видеото ќе стане примарна форма на содржина.

Тој се осврна и на критиките кои доаѓаат од креаторите – освен прекумерното фокусирање на видеото, тие се однесуваат и на режимот на цел екран и препораките и видливоста на објавите на пријателите, па Мозери најави нови промени и подобрувања.

Тој призна дека можеби направиле лоша работа со препораките на Reels кои им се прикажуваат на луѓето и додаде дека доколку на корисниците не им се допаѓаат препораките, треба да ги исклучат. Ќе продолжи да ги подобрува тие препораки, за кои вели дека се најефективниот и најважниот начин за креаторите да допрат до што повеќе луѓе.

Според сето она што го кажа, се добива впечаток дека обичните корисници, оние кои консумираат содржина (но и гледаат реклами) се во втор план, додека се фокусирани на креаторите и начинот на кој нивната содржина (првенствено видео) би била прикажана на што повеќе луѓе на таа платформа.