Врховниот суд на Соединетите Американски Држави, со 6 гласови „за“ и 3 „против“, го потврди законот на Тексас во врска со верификацијата на порнографските страници.


Предлог-законот, HB 1181, би можел да има широки импликации врз слободата на говорот на интернет, поточно барајќи од веб-страниците што прикажуваат содржина за возрасни да имплементираат проверка на возраста.

Free Speech Coalition, непрофитна организација што ја претставува индустријата за возрасни, поднесе тужба до Врховниот суд во април 2024 година барајќи преиспитување на законот, објави Engadget.

Тексас е само една од многуте држави кои донесоа закони за проверка на возраста насочени кон порнографски страници, а Pornhub се повлече од 17 американски држави поради слични регулативи.

Критичарите од двете страни на политичкиот спектар истакнаа дека HB 1181 има загрижувачки импликации за Првиот амандман и приватноста на интернет.

Организацијата EFF (Electronic Frontier Foundation) забележува дека не постои метод за проверка на возраста кој е точен и почитува приватноста на корисниците. За разлика од личното прикажување на лична карта, онлајн проверката бара задржување на податоците.

Законот HB 1181 бара веб-страниците што содржат најмалку „една третина“ од нивната содржина „материјал штетен за малолетници“ мораат да воведат старосна проверка. Потврдата на возраста се однесува на сите корисници што ги посетуваат страниците и се однесува на целата страница, а не само на содржината за возрасни.

Дополнителна загриженост е што експертите велат дека проверката на возраста е во голема мера неефикасна. На крајот на краиштата, дури и тинејџерите кои не се запознаени со VPN мрежите можат лесно да научат како да ги користат, што го отежнува спроведувањето на законот на начин што всушност прави разлика.