Последниот извештај на аналитичката компанија Counterpoint Research ни дава информации за цената на компонентите во производството на моделот iPhone 14 Pro Max.


Apple ја претстави серијата iPhone 14 минатата есен, а iPhone 14 Pro Max е еден од членовите на оваа серија.

Counterpoint Research открива дека просечната цена на материјалите за производство на основниот iPhone 14 Pro Max од 128 GB е 464 долари.

Ова претставува зголемување од 3,7% во однос на iPhone 13 Pro Max. За зголемувањето на цената главно придонесоа зголемувањето на цената на новиот чипсет на Apple, екранот AOD и главната камера од 48 MP.

Кога станува збор за американскиот пазар, моделот mmWave има производна цена од 474 долари, додека верзијата под 6 Ghz што се продава на други пазари чини околу 454 долари.

За споредба, малопродажната цена на 128 GB iPhone 14 Pro Max во САД е 1.099 долари.

Apple троши 11 долари повеќе на чипсетот A16 Bionic во споредба со претходниот модел. Новиот дисплеј со можности за AOD придонесува за зголемување од 1%, додека камерата од 48MP ја зголемува цената на телефонот за 6,30 долари.

Од друга страна, некои компоненти се поевтини во споредба со iPhone 13 Pro Max, така што цените на компонентите за мобилно поврзување се поевтини за околу 13 проценти.