Познат ИТ аналитичар: Не очекувајте флексибилен телефон на Apple пред 2025 година

Познат аналитичар на ИТ пазарот сугерира дека јавноста најверојатно нема да го види флексибилниот телефон на Apple пред 2025 година.

Минг-Чи Куо, кој со години беше извор на веродостојни информации за плановите на Apple, ги ажурираше своите очекувања. Тој истакнува дека Apple во одреден момент ќе објави ваков уред, но појасни дека 2025 година ќе биде најрано кога тоа би можело да се случи.

I expected Apple to launch a foldable iPhone as soon as 2024 in my reports last year, but now it’s clear this prediction needs to be revised. I predict Apple may launch its first foldable product in 2025 at the earliest, which may be a foldable iPad or a hybrid of iPad & iPhone. https://t.co/HGIDPFvdar

— 郭明錤 (Ming-Chi Kuo) (@mingchikuo) April 1, 2022

Друга непозната работа, која се појави во форма на гласини во претходните месеци, е кој уред ќе биде првиот што ќе добие флексибилна форма. Некои извештаи сугерираат дека Apple подготвува поголем уред во стилот на iPad, додека други споменуваат дека тоа ќе биде iPhone.

Секако, не се очекуваат официјални информации за овој проект од Apple, а така ќе остане додека компанијата не биде подготвена да го пушти уредот. Дотогаш не очекуваат неколку години гласини и шпекулации.