Motorola штотуку го претстави новиот Edge 70, ултратенок паметен телефон кој би можел да стане сериозен конкурент на Apple iPhone Air.


Иако Edge 70 е малку подебел – 5,9 mm наспроти 5,6 mm – неговата испакната камера е многу подискретна.

Кога сме кај камерите, Edge 70 носи три сензори од по 50 MP. Главната камера снима 4K видео, а има и предна камера, ултраширока со макро објектив и специјален сензор за светлина. Како и повеќето модерни телефони, овој модел користи и алатки за вештачка интелигенција за обработка на фотографии.

Рамката на телефонот е изработена од „алуминиум за авионски квалитет“, што е добра вест за сите неспретни корисници кои лесно ги испуштаат своите телефони. Дополнителна издржливост е обезбедена од заштитата Corning Gorilla Glass 7i и IP69 сертификатот за водоотпорност.

Edge 70 доаѓа и со пристап до moto ai2 четботот на Motorola, кој може да креира слики, да одговара на прашања и, според компанијата, да ја разбере содржината на екранот и да му предложи на корисникот следниот чекор. Како ова ќе функционира во пракса – останува да се види, објавува Engadget.

И покрај ултратенкото тело, телефонот има огромна батерија од 4.800 mAh што може да трае до 50 часа континуирана употреба – повеќе од два дена интензивно скролување без полнач. За споредба, iPhone Air трае помеѓу 22 и 27 часа.

Телефонот е напојуван од чипсетот Snapdragon 7 Gen 4 Mobile, а Motorola ветува активна поддршка за софтверот и безбедносни ажурирања до 2031 година.

Со оглед на дизајнот и карактеристиките, цената е доста разумна – Edge 70 чини од околу 780 евра па нагоре. Сега е на распродажба, но има и некои лоши вести – засега е достапен само во Велика Британија, а сè уште нема информации кога ќе биде достапен на другите пазари.