Бројните клипови кои „протекоа“ на интернет, а кои ја откриваат играта GTA 6, ги потврдија досегашните шпекулации за долгоочекуваниот наслов.


Клиповите што ја видоа светлината на денот го прикажуваат гејмплејот на играта GTA 6. Прикажани се престрелки и други ситуации, како и ликови и детали од околината.

Сè тоа е уште недовршено, но факт е дека клиповите даваат автентичен увид во тоа што носи играта и што дефинитивно може да очекуваат гејмерите кога ќе се појави на пазарот. Rockstar потврди дека клиповите се автентични и побара клиповите, сликите од екранот и другите содржини да бидат „симнати“ од социјалните мрежи.

Vice City се враќа

Клиповите ги потврдија претходните информации дека приказната за GTA 6 се одвива во Vice City, измислена верзија на Мајами, а тоа го потврдуваат бројните знаци на улиците и зградите, како и VCPD ознаките на полициските возила.

Но, за разлика од играта Grand Theft Auto: Vice City од 2002 година, во која приказната е сместена во средината на осумдесеттите, овој пат се работи за модерна верзија на градот. Ова го потврдува постоењето на мобилни телефони, модерни автомобили и слично. Во гореспоменатите клипови се прикажани и рурални локации, како и она што изгледа како мочуриште. Покрај тоа, се враќаат и некои познати локации како што се Малибу клубот и Оушн Вју хотелот.

Комбинација од два лика

Судејќи според клиповите, во играта ќе има два лика, од кои едниот ќе биде жена, што е првпат во серијата GTA. Ова ги потврдува претходните шпекулации дека Rockstar им приоѓа на ликовите со поголема политичка чувствителност отколку во другите негови игри.

На снимката се гледа женскиот лик Лусија, како и нејзиниот соработник Џејсон. Станува збор за пар кој наликува на легендарната двојка Бони и Клајд, а на еден клип се прикажани за време на грабеж во ресторан.

Престрелките, односно пукањата се слични на оние во играта GTA 5, но сега има некои нови „играчки“ и можности. Ликовите се гледаат со различни оружја, автоматски пушки, снајперисти, пиштоли и друго, а ликовите можат да го префрлат оружјето на другата рака за да земат друго од подот и да го додадат во својот арсенал.

Ликовите добија и некои нови способности, така што е можно играчот да го потпре целото торзо од прозорецот на автомобилот додека нишани со автоматска пушка под полн агол од 360 степени. Исто така, играчот може да клекне, да се покрие и да носи друг лик.

Екранот што го прикажува достапното оружје открива и медицински пакет, што укажува на можноста за закрепнување за време на борбата.

Полицијата е понапредна

Очекувано, GTA 6 ги содржи познатите Wanted нивоа, при што највисокото ниво е пет ѕвезди. Но, полицијата напредувала, па ако види играч како влегува во украдено возило, ќе го бара дури и ако првично успее да побегне. Ситуацијата е реална, бидејќи автомобилите се со регистарски таблички, а на играчите останува дополнително да се потрудат да избегнат апсење.

Приспособување на ликовите

Иако клиповите не ги открија целосно опциите за прилагодување на ликот, јасно е дека Лусија носи различни облеки во играта и има различни фризури.

Играта се уште е во развој, а последните информации велат дека не се очекува до 2025 година.