Google објави дека на својата услуга Drive додава можност за „сечење“, „копирање“ и „залепување“ (cut, copy и paste) фајлови, се додека корисникот користи Chrome.

Интересно, кратенките copy / paste досега не функционираа на Google Drive. Ако отидете на Google Drive на веб, и притиснете Command + C на датотека и потоа отидете во фолдер и притиснете Command + V, ништо нема да се случи.

Дури и во списокот со кратенки на тастатурата за Drive не се споменува ништо за споменатите кратенки. Ова е особено невообичаено, имајќи предвид дека кратенките за функциите за cut, copy и paste се присутни уште од 70-тите години на минатиот век, кога беа популаризирани.

Како и да е, функциите cut, copy и paste сега доаѓаат на Web Drive. Google истакнува дека корисниците ќе можат да ги користат стандардните команди Control / Command + C, X и V за копирање и преместување датотеки. Компанијата тврди дека функцијата ќе биде достапна за сите корисници до 4 јуни.

Споменатата функција ќе работи и за различни табови. Додадена е кратенка на тастатурата за отворање на папката во новиот таб: Ctrl / Cmd + Enter. И ако ја копирате датотеката и потоа се обидете да ја поставите на Google Doc или е-пошта, насловот на датотеката и врската до неа ќе бидат ставени таму.

Google во последно време додава сè повеќе подобрувања на сите услуги, а неодамна ја објави можноста за избор на повеќе блокови текст во Google Docs и некои други функции.