Google објави дека носи шифрирање „end-to-end“ во групните разговори за апликацијата Google Messages.


Споменатата безбедносна надградба најпрво ќе биде достапна за тестерите и корисниците на бета верзијата на апликацијата, по што ќе биде доставена до пошироката група на корисници.

Кога станува збор за шифрирање „од крај до крај“, тоа значи дека никој (па ни Google) не може да ја чита содржината на пораките освен ако не е наменет за него.

Енкрипцијата веќе е поддржана од апликацијата Google Messages за разговори еден на еден, а сега ќе биде додадена и во групните разговори.

Во истото соопштение, Google истакна дека во Google Messages добива можност брзо да реагира на порака со емотикони. Во моментов, само одредени емотикони може да се користат како реакции.

Покрај тоа, Google продолжува да го турка RCS (Rich Communication Services), што сака да стане нов стандард за секого. Технологијата, која е надградба на СМС, сега е широко достапна, но сè уште не е усвоена од Apple на своите iPhone-и.