Повеќе од една деценија, Grand Theft Auto 5 добро се продаваше, а овој популарен наслов е се поблиску до продажба на 200 милиони примероци.


Rockstar сега објави дека GTA V е продадена во повеќе од 195 милиони примероци.

Како дел од својот финансиски извештај, Take-Two Interactive објави статистика за продажба на GTA V и Red Dead Redemption 2.

Grand Theft Auto 5 продаде дополнителни пет милиони примероци во споредба со претходниот квартал, со што се приближува до продадени 200 милиони копии (во моментов над 195 милиони).

Доколку продолжи со ова темпо, GTA V може да продаде над 200 милиони примероци до следниот финансиски извештај што ќе го достави Take-Two Interactive.

Кога станува збор за Red Dead Redemption, овој наслов исто така продолжува со својот раст, со дополнителни четири милиони продадени примероци и сега е на 61 милион. Ова официјално ја прави RDR2 седмата најпродавана игра на сите времиња.

Со оглед на тоа што Grand Theft Auto 6 се очекува некаде во 2025 година, има добри шанси GTA V да достигне 225 милиони примероци до моментот кога неговиот наследник ќе се појави на полиците.