Откако се појави на Google Play Console листингот, буџетскиот таблет HTC A100 беше официјално објавен на рускиот пазар, со цена од околу 365 долари.

HTC A100 има 10,1-инчен IPS LCD дисплеј со FHD+ резолуција, стапка на освежување од 60Hz и предна камера од 5MP за видео повици.

На задната страна на уредот се наоѓа правоаголен модул за камери кој содржи главен сензор од 13MP, како и сензор за длабочина од 2MP.

Таблетот се напојува со осум-јадрен UNISOC Tiger T618 чипсет, во комбинација со 8GB RAM и 128GB простор за складирање, со можност за проширување до 256GB преку microSD картичка.

Уредот се напојува со солидна батерија од 7000mAh, со поддршка за полнење од 10W. Во областа на софтверот, HTC A100 користи Android 11 OS од самиот старт.