Huawei ја претстави својата најнова серија паметни часовници.


Париз е град кој со векови е симбол на елеганција, уметност и иновација. Неговите улици полни со историја, блескави светла и уникатна атмосфера го прават совршена сцена за светски премиери и ексклузивни настани. Затоа не е изненадување што Huawei го избра францускиот главен град за да ја претстави својата најнова серија паметни часовници.

Huawei одржа ексклузивен настан во Париз на 19 септември, каде што ја претстави новата серија паметни часовници Watch GT 6 и неколку други нови уреди. Публиката имаше можност прва во Европа да ги види моделите што привлекоа големо внимание од медиумите, инфлуенсерите и присутните партнери.

Серијата Huawei Watch GT 6 беше лансирана под мотото „Ride the Wind“, што претставува нов поглед на комбинацијата од мода и спорт. Целосно редизајнираната архитектура носи батерија што трае до 21 ден. Благодарение на новата технологија „high silicon stacked“, постигна значителен скок во капацитетот и густината на енергијата. Исто така, подобрена е GPS точноста за позиционирање на отворено, заедно со новиот Huawei TruSense систем за брзо и прецизно мерење на сите клучни здравствени параметри. AMOLED панелот е со висока резолуција со подобра осветленост и острина во споредба со претходната генерација. За сите часовници беа користени премиум материјали со впечатлив дизајн. Бои како што се Titanium Silver, Dazzling Gold и Shimmery Black се издвојуваа особено, што дополнително ја нагласува елеганцијата и сериозноста на уредот.

Huawei нагласи дека сите сензори се исто така подобрени. Новиот сет сензори овозможува попрецизно следење на пулсот, срцевиот ритам и спиењето, а спортистите се особено задоволни од поддршката за Functional Threshold Power. Серијата GT 6 е првата серија паметни часовници што им овозможува на велосипедистите прецизно да ја мерат моќноста во вати додека возат, а со тоа и јасен увид во процесот на тренинг. При користење на овој режим, часовниците GT6 функционираат како еден вид велосипедски компјутер, прикажувајќи ги сите важни податоци за време на возењето, вклучувајќи го секако прецизното мерење на здравјето на велосипедистот. Уредите пристигнаа со поддршка за двоен GPS што ја зголемува точноста на прикажувањето на рутата, а подобрени се и NFC и Bluetooth чиповите. Не недостасуваат и опции како што се следење на менструалниот циклус, вежби за дишење и персонализиран тренинг.

Кога станува збор за здравствени податоци, серијата Huawei GT6 носи и нов приказ на параметри – HRV (Heart Rate Variability), кој мери мали варијации помеѓу соседните срцеви отчукувања, што укажува на состојбата на рамнотежа помеѓу стресот и релаксацијата. Следењето на другите здравствени параметри е исто така подобрено, бидејќи новите алгоритми носат поголема прецизност и побрзо читање.

За време на настанот, премиум моделот – Huawei Watch Ultimate 2, привлече посебно внимание од сите присутни, како прв паметен часовник во светот дизајниран за нуркање до 150 метри длабочина, со можност за комуникација под вода. Благодарение на иновативната сонарна технологија, овозможува размена на пораки помеѓу часовниците до 30 метри длабочина, како и SOS функцијата до 60 метри.

Покрај паметните часовници, HUAWEI ја искористи оваа можност да претстави премиерно неколку други нови уреди. Така, новата серија 14 телефони на Huawei, слушалките Huawei FreeBuds 7i, таблет компјутерот Huawei MatePad 12 X, како и Huawei Watch D2, кој сега доаѓа во атрактивна сина боја и им обезбедува сеопфатна поддршка на корисниците во управувањето со здравјето.

Оваа ексклузивна премиера во Париз покажа дека Huawei планира да остане водечка компанија во светот на носливи уреди и да продолжи да „води на свој терен“ – со акцент на дизајнот, батеријата и сигурната функционалност што им се допаѓа на спортистите и на оние кои сакаат стилски додаток на својот зглоб.