Apple следната недела ќе ја објави надградбата за iOS 18.1, која ја носи Apple Intelligence и други нови функции.


Ажурирањето на Apple за iOS 18.1 официјално доаѓа следната недела. Носи софтвер за помош на лицата со оштетен слух на AirPods Pro 2, како и функции на Apple Intelligence на различни уреди.

Компанијата претходно објави бета верзија на надградбата на iOS 18.1, која е достапна од септември.

Од поважните и поинтересните карактеристики, Apple Intelligence претставува една од главните надградби. Доаѓа со голем број опции, како што се паметно аудио снимање и транскрипции за апликации како Mail, Notes и Pages. Има и Writing Tools за проверка на граматиката и правописот.

Apple треба да објави уште повеќе функции за својата алатка за вештачка интелигенција во иднина.

Друга важна карактеристика е софтверот кој им помага на луѓето со проблеми со слухот. Вклучува тест кој им покажува на корисниците дали можеби имаат проблеми со слухот. Исто така, им овозможува на корисниците да ги постават своите AirPods како слушно помагало.