MSI ги освежи Alpha 15/17 лаптопите со Ryzen 5000H процесори и Radeon RX 6600M мобилни графички карти. Покрај ова, MSI објави и целосно нов лаптоп – лесниот и тенок Delta 15, кој исто така користи Ryzen 5000H процесори и Radeon RX 6700M мобилен GPU.

Како дел од AMD Advantage линијата, новите Alpha и Delta лаптопи се опремени со најнови процесори и графика на AMD, а поддржуваат AMD SmartShift, Radeon Anti-lag, Radeon Image Sharpening и Smart Access Memory.

Главните разлики помеѓу Alpha 15 и 17 лаптопите се во нивните димензии и дисплеи. Двата имаат IPS панели, со 144Hz освежување и FullHD резолуција, но еден има големина од 15 инчи, додека другиот има екран од 17 инчи. Кога е во прашање Delta 15, тој користи 15.6-инчен IPS панел, со FullHD резолуција и 240Hz стапка на освежување.

Лаптопите имаат слични конфигурации на меморија и простор на складирање, со два мемориски слота за до 64GB DDR4-3200 меморија и 2x PCIe 3.0 M.2 слота за NVMe складирање. Покрај тоа, сите Alpha и Delta лаптопите имаат осветлена гејминг тастатура и два 2W звучника со Nahimic 3 Audio Enhancer и поддршка за High-Resolution Audio.