Компанијата MSI ја освежи својата гејминг серија Bravo 15 лаптопи, која сега е опремена со најновите AMD Ryzen 5000 H-Series мобилни процесори и Radeon RX 5500M графички карти.

Новиот Bravo 15 со Ryzen 5000 H серијата процесори доби значајно подобрување на перформансите од 15 проценти во однос на моделот од претходната генерација. Со Radeon RX 5500M GPU пристигнуваат Radeon Image Sharpening и Radeon Anti-Lag функциите.

Лаптопот има 15,6-инчен FullHD дисплеј, со стапка на освежување од 144Hz. Капацитетот на DDR4-3200 RAM меморијата изнесува до 64GB (во два слота), а достапен е и еден NVMe M.2 SSD за складирање податоци.

MSI Bravo 15 има и HD веб-камера, тастатура со позадинско осветлување, 2x2W звучници со Nahimic 2 подобрување на звук. Од дисплеј портовите е достапен еден HDMI конектор (4K @60Hz).

MSI не објави информации за цената и достапноста на Bravo 15 лаптопите.