Microsoft го ажурираше OneDrive, додавајќи поддршка за репродукција за SamsungMotion Photo и 8K видео од Galaxy S20, S21 и Note20 серијата телефони.

Досега, OneDrive можеше да ги чува фајловите, но не и да ги пушта. OneDrive сега поддржува фајлови до 250 GB, што ќе им одговара на оние кои складираат големи 8K видео содржини. Апликацијата има и нов распоред на почетниот екран, со брз пристап до неодамнешните и офлајн фајлови, а тука е новиот “On This Day” сервис, со фотографии креирани тој ден, но со години наназад.

Samsung и Microsoft имаат добра соработка веќе со години, Samsung овозможува preload на Microsoft апликациите на своите телефони, додека Microsoft го избра Samsung за preview на својот xCloud гејминг сервис. Исто така, YourPhone апликацијата голем број од своите функции најпрвин ги објавува  за телефоните на Samsung.