Samsung официјално објави дека ќе ја претстави својата најнова линија Galaxy премиум телефони 14. јануари. Се очекува дека ќе бидат објавени Galaxy S21, S21 Plus и S21 Ultra. Најавата беше потврдена преку покани за новиот Galaxy Unpacked настан.

Тизер видеото не открива премногу, но за Galaxy S21 моделите веќе дознавме многу работи во претходните недели и месеци, што сега само останува да видиме дали Samsung подготвил некое изненадување, што не успеа да протече во јавноста.

S21 и S21 Plus се очекува во голема мерка да бидат слични на концептот што го нудеше Galaxy S20 линијата (освен големината и дизајнот на камерите на задната страна), додека попремиум S21 Ultra модел ќе има уште подобри спецификации и камери сместени во обвиткувачки модул, а ќе има и поддршка за паметното пенкало S-Pen.

Покрај новите телефони, се очекува и објавa на новите безжични слушалки Galaxy Buds Pro, кои ќе нудат Active Noise Cancellation (ANC) и подобрен амбиентален режим.