Samsung можеби е водечки производител на паметни телефони на водечките пазари ширум светот, но неговиот пазарен удел во Кина останува помал од 1%.


Во минатото јужнокорејската компанија имаше добра позиција на кинескиот пазар, но тоа одамна не е случај, главно поради силната конкуренција од локалните производители.

Samsung се обидува да ја врати старата слава во Кина и соодветно на тоа работи на специјална верзија на технологијата Galaxy AI, која би била специфична за тој пазар.

„Ние конкретно ќе ги развиваме нашите способности за Galaxy AI за тој пазар“, изјави шефот за мобилни операции на Samsung, ТМ Рох, за CNBC.

„Се обидуваме да создадеме мобилна вештачка интелигенција за Кина што може да ги задоволи барањата на кинеските потрошувачи“, додаде тој.

Samsung започна да ја спроведува оваа стратегија со лансирањето на Galaxy S24 во Кина на почетокот на оваа година, каде што соработуваше со локалниот гигант Baidu за да го унапреди Galaxy AI.