Платформата за онлајн пораки Telegram попушти пред барањата на германските безбедносни служби и обезбеди податоци за корисници осомничени за екстремизам, објави радиото НДР.


По истрагата, Министерството за внатрешни работи потврди дека добило податоци од Telegram, како што се IP адресите на корисниците, во „неколку изолирани случаи“.

НДР во средата навечер изјави дека имало 25 случаи на можна злоупотреба на деца и исламски екстремизам. Покрај тоа, Telegram избриша содржина во речиси 400 разговори на кои укажаа службите.

Telegram претходно инсистираше на тоа дека нема да открива никакви кориснички податоци на властите и затоа стана платформа на избор за луѓето кои воопшто не сакаат да бидат видливи.

Тука спаѓаат криминалци и можни терористи, но и дисиденти ширум светот.

Платформата е обвинета дека не ја модерирала содржината на кој било начин, вклучително и поттикнување омраза, повици за насилство и ширење лажни информации.

Telegram долго време не одговараше на барањата на германските безбедносни служби, а започна да комуницира дури на почетокот на февруари под притисок на владата.