Новата услуга го оживува духот на некогаш мегапопуларниот Vine и им нуди на корисниците можност да се изразат преку кратки клипови.


Основачот на Twitter, Џек Дорси, повторно влегува во светот на кратки видеа, овој пат како поддржувач на нова платформа наречена diVine, која го оживува духот на некогаш мегапопуларниот Vine.

Новата апликација носи архива на оригинални видеа од Vine и им овозможува на корисниците да креираат свои клипови во препознатлив шестсекунден формат. diVine е дизајниран да биде децентрализирана, отворена платформа, без алгоритми и со поголема контрола на корисникот врз содржината.

Според TechCrunch, diVine нуди пристап до повеќе од 100.000 архивирани клипови од Vine, кои дигиталните архивари успеаја да ги обноват откако оригиналната апликација беше затворена во 2017 година. Проектот го води Еван Хеншо-Плат, еден од поранешните вработени во Твитер, со поддршка од непрофитната организација на Дорси, And Other Stuff.

Она што е особено интересно е што diVine ќе означува или блокира видеа генерирани од вештачка интелигенција, сакајќи да го задржи фокусот на автентична, човечка содржина. Креаторите на оригиналните Vines сè уште ги задржуваат авторските права и можат да побараат отстранување на нивните клипови.

Платформата е базирана на протоколот Nostr, што значи дека е целосно со отворен код и отворена за независни развивачи.

Со комбинација од носталгија, архива на оригинални видеа и современ пристап, diVine би можел да предизвика интерес и кај старите и кај новите корисници и можеби да ја врати ерата на виралните кратки клипови што некогаш ја дефинираа интернет културата.