WhatsApp ја тестира функцијата од април, која е достапна за корисниците на Android во бета програмата.


Според WABetaInfo, WhatsApp тестира функција што ќе им овозможи на корисниците да го изберат квалитетот на фотографиите или видеата што автоматски се преземаат на нивните уреди.

Функцијата моментално е достапна за некои корисници во бета програмата на Android и треба да стане достапна за повеќе бета корисници во наредните недели.

Доколку сте дел од бета програмата на WhatsApp, можете да ја најдете новата опција така што ќе отидете во менито Settings > Storage and data мени, под опцијата Media upload quality. Опцијата е наведена како Auto-download quality и нуди два избора за преземање – стандарден квалитет и HD квалитет.

Ако изберете Standard quality, WhatsApp автоматски ќе преземе компресирана верзија од медиумската содржина, а ако изберете HD quality, апликацијата ја презема датотеката со висока резолуција.

Меѓутоа, ако изберете Standard quality за auto-download, сè уште ќе имате можност рачно да ја прегледате содржината во HD квалитет подоцна во рамките на разговорите на WhatsApp, под услов таа верзија сè уште да е на серверите на WhatsApp.

Сè уште не е познато кога оваа корисна функција би можела да стане достапна за сите корисници на WhatsApp.