Популарната апликација за пораки WhatsApp постојано работи на подобрување на приватноста на корисниците, а доказ за тоа се најновите тестови спроведени од платформата.


Најновото ажурирање во рамките на бета програмата на Google Play укажува на фокусот на апликацијата на заштита на податоците на корисниците и обезбедување на нивната приватност.

WABetaInfo претходно објави дека WhatsApp имплементира опција за исклучување на повиците од непознати броеви, што дополнително ја подобрува приватноста на корисниците. Сега најновото бета ажурирање носи нови подобрувања во приватноста на повиците.

Тоа ќе биде овозможено со пренасочување на повикот преку серверите на WhatsApp, а во текот на процесот ќе се скрие IP адресата на корисникот и ќе се спречи потенцијално лоцирање на корисникот од учесниците во повикот.

Сепак, оваа опција може да го намали квалитетот на повикот поради шифрирање, но се работи на тоа да се редуцира кога функцијата ќе стане достапна за сите корисници.

Споменатата подобрена функција за приватност моментално се тестира во ограничена група бета корисници. Наскоро ќе се прошири на поголем број тестери, по што ќе биде објавен како дел од стабилното ажурирање на WhatsApp.